Proponen a Alejandro Díaz como nuevu director del FICX

Anguaño ye programador del Festival de Cine Européu de Sevilla

El comité d'espertos encargáu de la seleición del nuevu director del Festival Internacional de Cine de Xixón (FICX) propunxo que seya Alejandro Díaz Castaño'l máximu responsable del certame cinematográficu.

Según informó la sociedá municipal Divertia, sedrá'l conseyu d'alministración de la empresa'l qu'al final dea'l preste al nomamientu del xixonés.

Asina s'apautó tres delles fases d'escoyeta llevaes alantre pola comisión d'espertos, depués de que'l primer concursu pal nomamientu del director del FICX quedare ermu.