Retómense los trabayos pa sacar los restos humanos alcontraos n'El Rellán

Los investigadores creen que puen apaecer nuevos restos so la cubil allugada cabo la fuexa.​

En Grau retomáronse esta tarde los trabayos pa sacar los restos humanos alcontraos n'El Rellán. El mal tiempu obligó a suspender estos trabayos el pasáu 17 de xunu.

Agora la intención ye sacar los cuatro cuerpos alcontraos con anterioridá na fuexa, conocida como El Chabolu, y llevalos al llaboratoriu d'antropoloxía que l'asociación tien en Ponferrada pa intentar identificalos.

Pa ello cunten con muestres d'ADN d'una ventena de vecinos del conceyu con familiares desapaecíos y que podríen tar nesti llugar.

Los investigadores nun refuguen l'apaición de nuevos restos so la cubil amestada a la fuexa.