Segunda campaña d'escavaciones nel castru de Degaña
![Segunda campaña de excavaciones en el castro de Degaña](https://www.rtpa.es/fotos//23/08/20230828152233_RTPA3915081.jpg)
Los atopamientos asitien el yacimientu nel cambéu d'era ente la dómina prerromana y la conquista romana
Na campaña d’esti branu fueron abriéndose y ampliándose los sondeos que se ficieron l’añu pasáu en tres puntos. El primeru, los restos de lo que sedría una escollera o muria de contención que, por mor de les pendientes de la zona, dexaríen habilitar superficies llanes onde construyir. Pero los trabayos, estos díes, céntrense nes dos zones de la parte alta. Cúntalo José Antonio Fanjul Pasarín, director técnicu de les escavaciones nel castru de Degaña.
De momentu, los trabayos y los atopamientos y muestres dexen dir encuadrando’l yacimientu nel cambéu d’era ente la dómina prerromana y la conquista romana.
L’actuación ta financiada pola Conseyería de Cultura dientro del plan de la cultura castreña, que per primer vegada inxerta’l yacimientu de Degaña.