Noticies n'asturianu
Fuente: RTPA, 13 de agostu. 2019 20:45

Siero da dos viviendes a persones ensin llar

En castellano: Siero entrega dos viviendas a personas sin hogar
Emilio, beneficiario de una vivienda en Siero

Emilio ye unu de los beneficiarios del programa 'Housing First'

El programa d'inclusión social 'Housing First', destináu a persones que lleven años viviendo na cai, dio en Siero les dos primeres viviendes.

Yá se destinaren pisos n'Uviéu, Avilés y El Franco, y colos cinco pendientes en Xixón, el Principáu va algamar la trentena de viviendes dientro d'esta iniciativa.

Emilio va entamar güei a vivir nun pisu en Siero, tres 12 años ensin llar. Ye unu de los beneficiarios del programa 'Housing First'. Cobra'l salariu social, y va tener que dedicar un 30% del salariu al arriendu.

Tuvo nueve meses na cárcel, y trabayó n'obres. Agora dedícase a la so gran pasión, l'arte. Nel pisu va vivir cola so fía y col so perru.

Ye la primer vegada que s'apurren esti tipu de viviendes en Siero.

Comparte