Silenciu y emotividá na procesión de la Soledá d'Uviéu

La talla percuerre les cais de la ciudá escoltada polos Bomberos

La procesión de la Soledá percorrió esta mañana les cais del cascu históricu d’Uviéu, como ye tradición, escoltada polos Bomberos. Entamada pola Archicofradía del Santu Entierru, la talla del sieglu XVIII salió del templu de San Isidoro’l Real a llombu d’una ventena de costaleros.

Na escuridá de San Isidoro’l Real préndense veles y colóquense túniques, mantielles y capirotes con un amiestu de modernidá y tradición, pa una procesión de la Soledá mui emotiva, señala Luis Manuel Alonso, hermanu Mayor de la Real y Trinitaria Archicofradía del Santu Entierru.

A ella, a esa Virxe de la Soledá del sieglu XVIII, esculpida por Antonio de Borja, van toles miraes, sobre manera les de los nuevos cofrades o los que la viven per primer vegada, señalen Marisela Abad, cofrade de la Real y Trinitaria Archicofradía del Santu Entierru y Jesús Manuel Martínez, coronel Xefe del Reximientu Príncipe númberu 3.

En metá del silenciu de negru llutu sal del templu escoltada por Bomberos como ye tradición y nun día especial tamién pa la Policía Local d’Uviéu que cumple 175 años, señala Javier Lozano, comisariu Xefe de la Policía Local d’Uviéu.

Una Virxe de la Soledá que n’Uviéu, güei sintióse mui acompañada.