Somáu peracaba los preparativos pa la visita de los reis y les sos fíes

La familia real va visitar l'espaciu espositivu La Cuadrona

Los reis y les sos fíes van visitar mañana Somáu, en Pravia, pa la entrega del premiu al Pueblu Exemplar d'Asturies 2020. Somáu foi galardonada col Premiu al Pueblu Exemplar d'Asturies 2020 por saber caltener la bayura del so legáu patrimonial indianu y rural.

Los vecinos peracaben los detalles pa la visita de la familia real. Munchos de los actos que se van celebrar mañana van ser nel parque, onde yá ta too preparao.

Dientro de les distintes actividaes, los reis, la princesa y la infanta van visitar l'espaciu espositivu La Cuadrona, qu'alluga más de 500 pieces. Espón cartelos de cine, llibros, cerámica, xuguetes y munchos elementos etnográficos. Ye una colección privada, axuntada colos años, y abierta al públicu. Dientro d'esta colección, sobresalen les más de 100 obres d'arte roblaes por artistes asturianos.

Desque Somáu foi escoyíu Pueblu Exemplar, cada vez más xente va a La Cuadrona.​