Somáu prepárase pa la visita de la familia real

Cinco premiaos dirán a la entrega de los Premios Princesa d’Asturies  

En Somáu trabáyase a esgaya p’amosartolos sos requexos. Sobre manera, el parque y la so contornada, onde se llevarán alantre munchos de los actos de la entrega del premiu al Pueblu Exemplar.

Tamién los vecinos trabayen nos sos barrios, finques y cases y dende la parroquia rural decidieron imprimir una guía sobre Somao.

Yá queden poco más de diez díes pa que la familia real visite’l Pueblu Exemplar d’esti añu.

Cinco premiaos asistirán a la entrega de los Premios Princesa d’Asturies

Cinco de los premiaos colos Premios Princesa d’Asturies 2020 asistirán a la ceremonia d’entrega que presidirán los reis, acompañaos de la princesa Leonor y la infanta Sofía, el 16 d’ochobre vinienten’Uviéu.
Según informó la Fundación Princesa d’Asturies, dirá a la ceremonia la matemática fr

ancesa Emmanuel Candès, que foi premiada colos sos compañeros de profesión Yves Meyer, Ingrid Daubechies y Terence Tao col premiu d’Investigación Científica y Técnica, asina como’l pilotu español Carlos Sainz, premiu de los Deportes.

Andrea Morricone tará presente na ceremonia en nome de so padre, Ennio Morricone, fináu va unos meses dempués de ser distinguíu col Premiu Princesa de les Artes xunto col tamién compositor John Williams, mientres que’l galardón de Comunicación y Humanidaes, dau al festival lliterariu Hay Festival, sedrá recoyíu poles directores pa Llatinoamérica y España, Cristina Fuentes La Roche y María Sheila Cremaschi, respectivamente.

Pa rematar, la ceremonia cuntará con una representación del colectivu de sanitarios españoles que trabaya en primer llinia escontra’l COVID-19. El so trabayu fízolos merecedores del premiu de la Concordia.