Sotu'l Barcu enllénase de música col so segundu cursu de branu

Tamién va tener llugar un ciclu de conciertos que va llevar el nome del alcalde fináu, Jaime Pérez Lorente 'Jimi'

Tolos requexos de Sotu'l Barcu enllenáronse de música. Nel patiu del colexu, atopamos los violinistes. Yá nel interior, asistimos a una clase colectiva de fagó con Carlos Tarancón y la so alumna Manuela López.

Nel templu del conceyu, lo que suena ye l'órganu, cola concertista y organista titular de la ilesia alemana de Barcelona, Izumi Kando como profesora y Sebastián Muñoz, alumnu de Colombia.

L'escenariu del teatru Clarín ye l'aula de los pianistes, a los que la concertista Noelia Rodiles corríxe-yos la postura o aconséya-yos sobre la técnica, como a Soraya Sánchez, alumna de Coruña.

Son 100 alumnos y 15 profesores los que participen nel segundu cursu de música de Sotu'l Barcu. El so ciclu de conciertos va llevar el nome del alcalde del conceyu, Jaime Pérez Lorente 'Jimi', muertu la selmana pasada.