TPA tresmitirá la final de la VI Lliga de Debate Escolar

Un total de 58 alumnos y alumnes de Primeru de Bachilleratu de 10 colexos xixoneses enfrentáronse esta mañana pa optar a un puestu na final de la sesta lliga de debate escolar. Una edición na que’l mundu influencer y la so influencia positiva o negativa foi la exa del debate.

Esta actividá vien desendolcándose nos centros educativos del conceyu dende payares con una participación total d’unos 800 estudiantes.

Búscase potenciar aptitudes como la búsqueda activa d’información, el contraste d’opiniones, asina como la capacidá de síntesis, oratoria o trabayu n’equipu.

La capacidá d’adaptación ye fundamental porque estos mozos y moces nun saben qué postura han defender hasta l’últimu momentu.