Un mural de Severo Ochoa pa dar a conocer el síndrome de Dent

Un neñu afectáu por esta rara dolencia vive en L.luarca

Nel mundu malapenes hai 411 persones diagnosticaes col síndrome de Dent. Una d’elles ta n’Asturies. Pa dar a conocer esta enfermedá y recaldar fondos que dexen avanzar na investigación d’una cura, en L.luarca entamaron a pintar un mural que reivindica la figura de Severo Ochoa.

El d’Illán ye l’únicu casu diagnosticáu col síndrome de Dent en toa Asturies. Una enfermedá xenética considerada rara pa la que ye fundamental la investigación.

Pa dala a conocer yá s’entamó a pintar un mural na fachada del edificiu nel que taba l’antiguu Muséu del Calamar Xigante de L.luarca, n’homenaxe al científicu valdesanu Severo Ochoa que desendolcó un trabayu imprescindible nel desciframientu del códigu xenéticu.

Ye un mural escomanáu de 10 metros d’altura por 16 d’anchura, qu’entamó a pintase’l vienres y l’autor espera acabalu’l martes.

Yá fizo actuaciones asemeyaes en distintes zones de Galicia, pero esta ye la primera que fai n’Asturies.

Un homenaxe a la figura de Severo Ochoa que, confíen, tamién sirva p’ayudar a neños y neñes como Illán.