Un vecín moscón de 95 años gana la batalla al coronavirus

La familia d'Arcadio manda un mensaxe d'esperanza a otros mayores

Arcadio Rodríguez ye l'home que a la edá de 95 años pue dicir que-y ganó una batalla al COVID-19. Ingresó nel HUCA con coronavirus el 18 de marzu pasáu y dempués de dos selmanes de tratamientu, ayeri diéron-y l'alta.

Arcadio Rodríguez, natural de Grau, llevaba un añu internu na Residencia de Mayores moscona.

Xubiláu d'Ensidesa, Arcadio fumó tola so vida y sufría davezu del pulmón. Nel HUCA tuvo ingresáu en planta, con neumonía y fiebre.

Púnxose-y respiración asistida y antibióticu pa lluchar escontra'l virus. La verdá ye que dientro de la gravedá, siempres tuvo estable, hasta que la carga vírica menguó y ayeri yá-y dieron l'alta.

La so familia nun pudo visitalu al tar aislláu. Natalia, la so nieta, avisó de la situación a so padre, el fíu d'Arcadio, emigráu en Santo Domingo.

La familia agradez el trabayu de los sanitarios, sobre manera les llamaes caldía del doctor pa informar de la situación, y manden un mensaxe d'ánimu a toles persones mayores que tean lluchando escontra la enfermedá.