Una afición que sigue en bona onda con un mercáu n'Uviéu

Charres y espositores nun alcuentru al que van aficionaos de toa España

N’Uviéu, unes 1.000 persones radioaficionaes danse cita nel Mercáu Astur Radio, qu’entama cada añu la Xunión de Radioaficionaos Vetusta. Un alcuentru con charres y espositores al que van aficionaos de toa España.

Una emerxencia de la UME, la Unidá Militar d’Emerxencies, tresmítese per radio col so vehículu "Estación Mérida Bravo". Ye ún de los vehículos d’exhibición nel Mercáu Astur Radio.

Dientro del Calatrava hai dellos puestos de venta y d’amuesa de colecciones antigües. Pue facese un percorríu pela historia de la radioafición pasando de tresmisores analóxicos a dixitales, que funcionen per Internet.

Nel eventu, danse cita cuasi 1.000 persones llegaes de toa España.

La charra más esperada, la qu’esplica detalles del primer satélite español que se llanzará a finales d’añu pa falar con cualquier parte del mundu.

Un alcuentru nacional pa poner cara a los collacios y collacies que se faen al traviés de la voz cola radioafición.