Una de cada 10 muyeres n'edad fértil padez endometriosis

Una enfermedá pa la que nun hai cura

Enfermedá desconocida, pero non minoritaria, la endometriosis afecta al 15% de les muyeres. Crónica y incurable, los síntomes suelen apaecer na menstruación.

El desconocimientu llega incluso a la medicina, yá que se suel confundir col dolor de la regla.

Güei ye'l Día de la Endometriosis, una xornada pa dar visibilidá a les muyeres que la padecen.

María ye la primer muyer n'Asturies n'algamar la incapacidá dafechu como consecuencia de la endometriosis. Perdió un reñón, la matriz, los ovarios y l'apéndiz. El so problema foi un diagnósticu tardíu, depués de cuasi 20 años con síntomes.

Otres muyeres tán en procesu de consiguila, yá que provoca amás problemes motrices.

Marilyn Monroe ye l'iconu más importante de la endometriosis. Pero personalidaes como Hillary Clinton, Whoopi Goldberg o Susan Sarandon padecen esta enfermedá, y participen nuna gala añal pa recaldar fondos pa la investigación.

N'España nenguna famosa se manifestó. De momentu, sigue siendo una enfermedá tabú.