Una llocomotora a vapor conviértese nel símbolu de los vecinos de Riosa

Munchos trabayaron con ella y ufiértense a caltenela

En Riosa, una llocomotora a vapor conviértese nel símbolu de los sos vecinos. Munchos trabayaron con ella, sobre manera Nicanor Suárez, un maquinista del Pozu Monsacro que pasó 50 años n'activu.

Pa él ye una pieza histórica, ye de principios del sieglu pasáu y otres similares acabaron convirtiéndose en chatarra. Nicanor Suárez entró a trabayar n'Hulleres de Riosa con 11 años, agora tien 95. Pasó per tolos puestos de trabayu: controlando les puertes de les galeríes, d'ayudante de llampisteru, pero sobre manera foi maquinista.

La Figareo, conocida tamién como númberu 4, tuvo activa hasta los años 70. Con 40 caballos, tuvo nel Muséu del Ferrocarril y volvió funcionar en 2009 gracies a los que la tuvieron nes sos manes. Pa ellos, ye tou un símbolu y ufiértense a caltenela pa que nun se deteriore.

Yá nun va poder salir del so dormir pero, polo menos, la llocomotora de vapor sabe que los sos compañeros de víes miren al pasáu pa que nun futuru naide s'escaeza d'ella.