Fuente: RTPA, 13 de xunetu. 2023 18:59

Uviéu homenaxa a Miguel Ángel Blanco nel 26 aniversariu del so asesinatu

El alcalde de Oviedo en el homenaje a Miguel Ángel Blanco

El conceyal foi secuestráu y asesináu por ETA fai 26 años

Mediu centenar de persones homenaxaron esti mediudía n'Uviéu a Miguel Ángel Blanco, na cai a la que da nome'l conceyal del PP que foi secuestráu y asesináu por ETA fai 26 años.

Sol lema "Nin podemos nin queremos escaecer", l'homenaxe, que cuntó cola presencia de dellos miembros de la corporación municipal, col alcalde de la ciudá, Alfredo Canteli, a la cabeza, súmase asina al restu d'actos que se celebraron en delles ciudaes del país, promovíos pola Fundación Miguel Ángel Blanco pa recordar a les víctimes de terrorismu.

Al entamu del actu, el policía xubiláu y presidente de l'Asociación Día de Galicia n'Asturies, Manuel Fernández Quevedo, lleó'l manifiestu redactáu pola Fundación Miguel Ángel Blanco, nel que definió a toles víctimes d'ETA como "héroes de la democracia", y pidió al próximu Gobiernu del país que "la dignidá de les víctimes de terrorismu seya una prioridá".