Viavélez rinde homenaxe a Corín Tellado, la escritora en castellán más lleída tres Cervantes

L'autora cunta dende güei con un panel informativu sobre la so vida nel so pueblu natal

Homenaxe esta tarde en Viavélez a la escritora asturiana Corín Tellado. Considerada la escritora en castellán más lleída tres Cervantes, cuenta dende güei con un panel informativu sobre la so vida frente a la so casa natal.

La novela romántica nun pue entendese ensin Corín Tellado. La escritora en castellán más lleída tres Cervantes nació en Viavélez, n'El Franco.

L'homenaxe fechu güei frente a la so casa déxanos un panel informativu onde podemos conocer de cerca parte de la so vida, la d'una escritora con más de 4.000 noveles asoleyaes y 400 millones d'exemplares vendíos.

Tellado morrió fai 12 años, pero munchos inda siguen recordándola, sobre manera la so familia.

Dende güei, vecinos y turistes tienen yá un puntu exactu en Viavélez pa recordar a Corín Tellado.