XIV Ciclu de Cine Africano nel Teatru Filarmónica d'Uviéu

Podrá esfrutase de tres películes de realizadores mozos

La Fundación El Pájaro Azul entama’l ciclu de cine africano que dende mañana llunes entama nel Teatru Filarmónica d’Uviéu. Podrá esfrutase de tres películes de mozos y moces realizadores que tán axitando la cinematografía africana y que fueron premiaes en festivales internacionales.

El ciclu lleva 14 años amosando la industria creativa y cultural africana, esplica Inmaculada González-Carbajal, presidenta de la Fundación Pájaro Azul y entamadora del XIV Ciclu de Cine Africano.

Les tres películes que se proyectarán de baldre los llunes de mayu nel Filarmónica fueron premiaes en festivales internacionales, aborden dende’l papel de la muyer y el yihadismu, hasta la homosexualidá.

Reclamen más financiación pa facer más grande un ciclu qu’aseguren cunta con públicu fiel y pa siguir amosando l’atrevimientu fílmicu tanto estéticu como conceptual del cine que se fai n’África.