Xixón güel yá a pólvora

Un espectáculu diseñáu a midida pa la ciudá

Con 20.000 euros más d’inversión y, poro, el mayor presupuestu municipal hasta la fecha pa la gran nueche de los fueos, 80.000 euros, Xixón güel yá a pólvora. Un total de 1.700 kilos esperen en L’Atalaya pa intentar sorprender con un espectáculu diseñáu a midida pa la ciudá.

Nueve posiciones de disparu, 20 efectos que dirán de menos a más como ye tradición y onde, ensin faltar les figures de siempres como les mítiques palmeres, teñiráse’l cielu con nuevos colores y siluetes. Nun esmolez la lluvia y trabáyase pa qu’allumen entá ensin el favor del vientu.

Un total de 25 minutos d’espectáculu pirotécnicu con un broche, anuncien, nunca nun visto enantes. Sedrán namás 3,8 minutos de traca final, asina que nun se despisten.