Xixón homenaxa a los 'neños de la guerra'

En castellano: Gijón homenajea a los 'niños de la guerra'

Va 86 años, 1.200 menores entamaron un viaxe a l'antigua URSS que pa munchos foi ensin vuelta

Cumpliéronse 86 años de la partida dende El Musel de los conocíos como neños de Rusia. Fueron 1.200 menores acompañaos de 200 adultos. En Xixón, recordóse la efeméride con un actu nel que se reivindicó caltener la historia de los neños que fuxeron de la Guerra Civil.

Beatriz Ángeles Cuesta salió d’El Musel la nuche del 23 al 24 de setiembre de 1937. Con siete años fuxía de la guerra dirección Leningrado. 86 años y entá recuerda la so llegada a la Xunión Soviética.

Victoria Iglesias salió d’un continxente asemeyáu dende’l País Vascu. Dende ellí salieron otros 1.400 neños. Recuerda los sos primeros años con cariñu.

Años dempués pudieron volver. Beatriz volvió a Asturies en 1972 dexando atrás el cariñu del pueblu rusu. Pasaron más d’ocho décades y en Xixón homenaxóse a estos neños pa restablecer la so dignidá y caltener la so memoria.

3.000 neños fueron unviaos a Rusia dende diferentes puntos d’España anque na Guerra Civil evacuóse a más de 50.000.

Comparte