Xixón rinde homenaxe a los sos 'neños de la guerra' evacuaos fai 83 años

Más d'un millar de mozos que cruzaron los mares camín d'una Xunión Soviética que los acoyó

Con música, con poesía y con palabres emocionaes, asina volvió homenaxar Xixón a los sos 'neños de la guerra'. Frente al cai d'El Musel que vio colar, camín de la Xunión Soviética, a 1.100 neños y neñes acompañaos de los sos maestros.

Foi la nueche d'un 23 de setiembre del 1937 na que'l ruíu de les bombes retumbaba sobro'l cielu de Xixón.

Neños y neñes que colaron fuxendo de la guerra y la miseria, cola idea de volver nunos meses, qu'acabaron por volvese años.

Pa toos ellos foi esti homenaxe, que cuntó con representación del Gobiernu local, pa que nun desapaeza l'alcordanza d'un país que se partió, d'una infancia que se rompió.