Xon de la Campa Valdés gana'l Premiu Alfonso Iglesias de cómic en llingua asturiana

'Misteriu nel soterrañu' narra les andances del so protagonista, el comisariu Hevia

El dibuxante Xon de la Campa ganó’l Premiu Alfonso Iglesias de cómic en llingua asturiana pola so obra 'Misteriu nel soterrañu', que narra les andances del so protagonista, el comisariu Hevia, nel París de finales del sieglu XIX.

Ente los sos trabayos tán ilustraciones en portaes de llibros como 'La Celestina' o 'La Semeya de Dorian Gray', tires cómiques en periódicos, o les imáxenes del xuegu de rol 'Depués d'ochobre'.