Zapatos de tacón inspiraos nes madreñes asturianes

Un diseñu que xeneró l'interés de Rodrigo Cuevas

Dos asturianes alumnes de la Escuela Cimera d'Arte d'Asturies diseñaron unos zapatos de tacón inspiraos nes madreñes asturianes.

Un zapatu d'usu frecuente inspiráu nel calzáu tradicional qu'Ángela Díaz y Carla Amado dieron forma nos postreros cuatro meses.

Esti ye un prototipu ellaboráu en piel a partir d'una forma esistente y na que crearon el tacón d'ocho centímetros con impresión 3D y decoráu con abalorios inspiraos n'Asturies.

A les estudiantes gustaría-yos que pudiera llegar a comercializase. Calcularon que'l par d'estos tacones costaría unos 300 euros, pero elles nun puen asumir el costu de la so producción.

Una madreña de tacón, pola que yá s'interesaron ente otros, artistes como Rodrigo Cuevas o'l Grupo Beatriz.