Precintáu un bar por incumplir l'horariu de pieslle y atopar dempués restos de sustancies estupefacientes

Los vecinos denuncien que llevaben selmanes quexándose del volumen de la música

La policía Local de Xixón precintó un bar de la cai La Playa, dempués d’una inspección rutinaria. Foi denunciáu por incumplir l’horariu de pieslle y la falta de llicencia por un cambéu de titularidá.

Tamién se llevantaron dos actes por posesión d’estupefacientes y prindaron a un home por desobediencia grave y resistencia a l’autoridá, al negase a abandonar el local. La inspección tamién atopó restos de sustancies estupefacientes en delles árees del establecimientu.

La encargada del local foi denunciada y treslladada a les dependencies de la Policía Nacional pa la so identificación.

Los vecinos denuncien que llevaban selmanes quexándose del volume de la música.