Alcontráu l'escursionista alemán perdíu en Picos d'Europa

Treslladáu al HUCA l'escursionista xermanu

L'escursionista alemán que se perdió ayeri mientres faía una ruta de monte pelos Picos d'Europa foi alcontráu esti mediudía na redoma de la canal de La Raíz, informa'l 112 Asturies.

El Grupu de Rescate del Serviciu d'Emerxencies del Principáu (SEPA) y axentes de la Guardia Civil buscaben dende ayeri a esti home que saliera la mañana del domingu a faer una ruta de monte ente Poncebos y l'abellugu de La Terenosa (Cabrales), na parte asturiana del Parque Nacional de los Picos d'Europa.

Un familiar sollertó pasaes les 20:30 hores que l'home nun llegara a les 17:00, como quedaren, al llugar nel que teníen aparcáu'l coche y que'l so teléfonu móvil nun daba señal.