Los sindicatos esixen una investigación fondera pa esclariar les causes

La Guardia Civil yá tomó declaraciones a ún de los trabayadores mancaos nel accidente

N’El Musel siguen les investigaciones y entá nun se pudo proceder a la retirada de les grúes accidentaes. Guardia Civil y Inspección de Trabayu tán faciendo les xeres y yá se tomó declaración a ún de los trabayadores mancaos.

La muerte de los dos trabayadores xube hasta 10 los muertos n’Asturies nel entornu llaboral no que va d’añu.

Una cifra que los sindicatos califiquen d’inasumible. Poro, reclamen non solo una investigación sinón que se tomen midíes xudiciales pa que se cumpla cola normativa en materia de prevención de riesgos.

Los sindicatos convocaron una concentración de denuncia pol accidente d’El Musel y escontra la siniestralidá llaboral. Celebraráse mañana a les 12:00 n’Uviéu.