Muerre un trabayador al chocar la so carretilla elevadora con un tren en Figareo

El choque nun dexó mancaos entre los pasaxeros del tren

Un home de 32 años morrió esti miércoles en Figareo, nel conceyu de Mieres, nun accidente llaboral al chocar la so carretilla elevadora con un tren de cercaníes cuando facía llabores de caltenimientu de les llinies eléctriques de Viesgo, informa la Guardia Civil.

L'accidente tuvo llugar a 200 metros de Figareo nun choque nel que los usuarios del tren de cercaníes resultaron ilesos.

La Benemérita señala que, a les 15:54, el 112-Asturies comunicó l'accidente llaboral, tres el que l'home foi atendíu pola UVI móvil pa intentar alicalu, anque, finalmente, morrió.