Empiecen les obres d'estabilización del argayu de Casazorrina en Salas

Los trabayos obliguen al corte parcial de la N-634

Mañana empiecen en Salas les obres d'estabilización del argayu de Casazorrina, unos trabayos qu'obliguen al corte parcial de la Nacional 634.

A partir de les 08:00 va cortase la carril derecha y un semáforu va regular el tráficu de manera alternativa pela otra carril.

La construcción del muriu de contención de 30 metros va durar tres selmanes, anque los fines de selmana habilitaránse les dos carriles.

L'argayu de Casazorrina diose n'abril de 2021 y foi el movimientu de tierres de lladera más importante de la rede de carreteres estatal.