Mancáu un trabayador al pillalu un camión na cementera de Tudela Veguín

Los espertos en prevención alvierten de qu'en dómina de bonanza económica siempres xuben los accidentes

Un trabayador resultó ayeri, xueves, mancáu al pillalu un camión nes instalaciones de la cementera de Tudela Veguín.

Según informaron esti vienres fontes de la Guardia Civil, l'accidente foi a les 8:42 d'ayeri cuando, al paecer, el trabayador zarapicó nun bordiellu y cayó debaxo del camión.

El trabayador foi treslladáu al Hospital Universitariu Central d'Asturies (HUCA) con mancadures nel cadril y les muñeques.