Un prindáu por matar a puñalaes a un home en Xixón

Les brigaes de la Policía Científica y Xudicial investiguen el crime  

La Policía Nacional prindó en Xixón a un home como presuntu autor del apuñalamientu mortal d’otru varón nuna vivienda asitiada nel barriu de Laviada.

Los fechos, que tán baxo investigación, tuvieron llugar al rodiu de les dos de la madrugada d’esti xueves nun pisu de la cai Lluanco, informaron a EFE fontes de la Policía Nacional

L’agresión derivó na muerte d’un home por mor de delles mancadures d’arma blanca.

Na investigación del crime tán trabayando miembros de les brigaes de la Policía Científica y Xudicial.