Dos nuevos trabayadores mancaos n'accidentes llaborales

Los siniestros fueron en naves industriales de los polígonos de La Xuvería y de Somonte

En namás cinco minutos de diferencia, hubo dos accidentes llaborales esta tarde en Xixón. Los siniestros fueron en naves industriales de los polígonos de La Xuvería y Somonte. Hai dos trabayadores mancaos.

Un trabayador de 37 años mancóse dempués de sufrir un aplastamientu nuna empresa de llaminaos nel polígonu de Somonte. L’accidente foi poco dempués de les 4 de la tarde, cuando una pieza de gran tamañu cayó enriba d’él. Foi atendíu pol serviciu d’emerxencies y treslladáu al Hospital Universitariu Central d’Asturies.

La Guardia Civil y la Inspección de Trabayu tán investigando les causes del sucesu. Malapenes cinco minutos dempués, otru trabayador sufrió mancadures de menor gravedá mientres facía llabores nuna nave del polígonu de La Xuvería y tamién tuvo que ser atendíu pol Serviciu d’Atención Médica Urxente. La investigación d’esti accidente ta al cargu de la Policía Nacional en Xixón.