Prindáu en Navia un mozu de 21 años por traficar con droga

La Guardia Civil localizó h.achís, mariguana y cocaína nel vehículu del home

La Guardia Civil prindó a un mozu de 21 años, vecín de Cuaña y con dellos antecedentes xudiciales, como presuntu autor d’un delitu escontra la salú pública por tráficu de droga.

El prindamientu foi’l miércoles pasáu pela nueche, cuando una patrulla de la Guardia Civil que facía xeres de vixilancia en Navia decatóse de qu’un turismu fizo un xiru de sópitu al velos.

Los axentes identificaron al so únicu ocupante y, dempués de rexistrar al vehículu, atoparon delles cantidaes de h.achís, mariguana y cocaína. Darréu prindaron al mozu y punxéronlu a disposición del Xulgáu de Primer Instancia de L.luarca.