Dos accidentes, en Colunga y Lluniego, acaben con tres mancaos

Dos persones mancáronse abondo nun accidente na A-8

Dos persones mancáronse abondo nun accidente de tráficu nel que se vieron implicaos dos turismos que chocaron por alcance na autovía A-8, en sen Galicia y a l’altura del conceyu de Colunga.

L’accidente foi daqué enantes de les 20:00 hores d’ayeri, martes, a l’altura del kilómetru 343, informó’l Serviciu d’Emerxencies del Principáu d’Asturies (SEPA).

Según los datos facilitaos pol Serviciu d’Atención Médica Urxente (SAMU) los dos mancaos, un home y una muyer, fueron evacuaos con pronósticu reserváu dempués de ser escarcelaos por Bomberos del SEPA.

La muyer viaxaba como copilotu nún de los turismos implicaos, que volcó na vía, mientres que l’home diba na parte trasera d’esi mesmu coche.

Accidente tamién en Lluniego. Nesti casu, un home mancóse al chocar el so vehículu con otru na A-66, en se Uviéu.