Prindáu un xefe d'obra pola muerte d'un trabayador al chocar una grúa con un tren

El camión tenía la pluma esplegada sobro la vía pa los llabores de sustitución de la llinia d'alta tensión

La Guardia Civil prindó a un xefe d'obra pola so presunta responsabilidá na muerte d'un trabayador al chocar un tren escontra la cesta d'un camión grúa na que taba pa executar los llabores necesarios pa la sustitución d'una llinia d'alta tensión, informó esti xueves la Comandancia d'Asturies.

L'accidente foi poco primero de les 16:00 del pasáu 11 de setiembre al altor del kilómetru 23,9 de la vía férrea Trubia-Col.lanzo, cerca de Figareo, nel conceyu de Mieres.

El trabayador, de 32 años, taba nel interior d'una cesta d'un camión grúa asitiáu al pie de la vía, na carretera AS-375.

El camión tenía la pluma esplegada sobro la vía pa los llabores de sustitución de la llinia d'alta tensión, cuando llegó un tren de cercaníes que chocó cla cesta na que taba’l trabayador, que morrió pola mor del golpe.