Mainca, asesinada en Segovia, ye la víctima mortal númberu 38 por violencia de xéneru

La muyer asesinada denunciara a la so expareya por maltratu diba un mes y la xusticia decretó una orde d'alloñamientu

Mainca, la muyer de 33 años asesinada en Segovia presuntamente pola so expareya que morrió cuatro díes dempués de recibir una brutal paliza, ye la víctima mortal númberu 38 por violencia de xéneru no que va de 2024 y la 1.282 desque empezaron a ellaborase les estadístiques en 2003.

La Delegación del Gobiernu escontra la Violencia de Xéneru confirmó la naturaleza machista del crime y informó de qu'esistíen denuncies previes por maltratu escontra'l presuntu feminicida, que ta en prisión y foi quitáu de la patria potestá de la fía que tenía de mancomún cola víctima.

El pasáu domingu, la muyer recibió una paliza por parte de la so pareya n’Arroyo de Cuéllar (Segovia). El presuntu agresor frañó una orde d'alloñamientu a valir. La víctima foi treslladada al hospital, onde tuvo cuatro díes en coma lluchando pola so vida, pero finalmente'l xueves morrió.