La Guardia Civil esplegó un dispositivu preventivu que dexó evitar delles carreres illegales nos polígonos industriales de Somonte y La Zalia, nun operativu nel que fueron denunciaos dellos conductores.
Según informó l'Institutu Armáu, dellos ciudadanos sollertaron na madrugada del pasáu día 13 a la Central Operativa de Tráficu de la esistencia d’una gran cantidá de vehículos, colos sos conductores, faciendo usu del claxon, que diben pal polígonu de Somonte.
Tres recibir l’avisu, el Sector de Tráficu articuló'l plan preventivu establecíu pa evitar comportamientos de riesgu pa la seguridá vial, porque’l llugar escoyíu pa facer la denomada "kedada" coincide con un área xeográfica onde se detectaron y denunciaron conducciones temeraries y presencia de droga.
Delles patrulles fueron a los polígonos de Somonte y La Zalia, y a la rede viaria periférica que xune dambes zones industriales.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL