El vientu y la orografía torgaron el rescate del muertu ayeri en Picos d'Europa

La Guardia Civil recuerda la importancia d'estremar los procuros en monte

Foi un rescate complicáu por cuenta de la orografía y el fuerte vientu del sur. Asina define'l Teniente y xefe del Serviciu de Monte de la Guardia Civil, el GREIM, el rescate que se fizo ayeri na cume de Peña Santa d’Enol, nel conceyu de Cangues d'Onís, nel que morrió un montañeru del grupu de xubilaos d’Ensidesa.

Una cayida de más de 300 metros foi la qu'acabó cola so vida. El so acompañante, que diba con él, resultó ilesu anque quedó enriscáu nun resquiebru y los efectivos tuvieron que baxalu hasta la base.

Dende la Guardia Civil recuerden la importancia d'estremar los procuros en monte y que les actividaes se faigan con conocencia fonda.