Muerte un vecín de Xixón, de 39 años, nun accidente na Autovía Minera

L'accidente provocó caravanes de más de cinco kilómetros na zona

Un vecín de Xixón, de 39 años, morrió al ser arrolláu por un camión na Autovía Minera. La furgoneta na que viaxaba tuvo una avería cuando circulaba en sen Xixón.

Los ocupantes del vehículu, una furgoneta Mercedes Benz, pararon nel arcén y baxaron del vehículu pa señalizalu. Foi nesi momentu cuando foi l’accidente. La víctima foi atendida in situ por una UVI móvil, pero morrió énte la gravedá de les mancadures cuando taba siendo treslladáu al Hospital de Cabueñes.

L’accidente provocó caravanes de más de cinco kilómetros na zona.