Investigáu un policía nacional adscritu a Llangréu por estafa siguida

La Policía abre una investigación pa esclariar si l'axente desenvuelve otres actividaes llaborales incompatibles cola so función

La Policía Nacional abrió un espediente disciplinariu por una infracción bien grave a un axente de la comisaría de Llangréu. La instrucción del espediente trata de resolver si l'investigáu, residente en Llaviana, desenvuelve otres actividaes empresariales incompatibles col exerciciu del so trabayu como policía.

Una investigación interna que se suma a les acciones xudiciales qu’escontra'l mesmu axente entamaron dellos presuntos afectaos poles sos actividaes al marxe del so llabor policial. Según pudo saber TPA, escontra él yá hai abiertu un xuiciu oral na audiencia provincial, previstu pal próximu marzu, por un delitu siguíu d'estafa. L'acusación particular recláma-y 250.000 euros. La Fiscalía nun ye acusación al considerar que los fechos nun tendríen d'investigase pela vía penal.

Y ayeri otra presunta víctima presentó nos xulgaos de Llaviana una querella pol mesmu delitu d'estafa siguida pendiente de la so almisión a trámite.