Deteníu en Xixón el presuntu autor de dos agresiones sexuales violentes n'Almería

Les agresiones llamaron l'atención de los investigadores pol grau de violencia emplegáu y el so nivel de preparación

Un vecín d'Águilas (Murcia) qu'asitiara la so residencia en Xixón foi deteníu pola Guardia Civil como presuntu autor de dos violentes agresiones sexuales cometíes en malapenes seis meses en 2023 nuna zona aisllada del conceyu de San Juan de los Terreros, n’Almería.

Según informa la Guardia Civil, les agresiones llamaron l'atención de los investigadores pol grau de violencia emplegáu y el so nivel de preparación.

La primera de les agresiones sexuales de les que lu acusen tuvo llugar el pasáu 5 d'abril de 2023 cuando un home con un arma blanca y delles brides amedranó y inmovilizó a la víctima, a la que darréu treslladó, maniatada, a un llugar ocultu próximu onde cometió l'agresión.