Les investigaciones siguen pa identificar al agresor responsable de la muerte d'Eloy Malnero

El cuerpu del DJ foi veláu nel tanatoriu de Los Arenales

El conocíu DJ de la nueche xixonesa, Eloy Malnero, atacáu na madrugada del vienres pasáu por un desconocíu, morrió por causa d’un traumatismu, según la Policía nacional.

Esta mañana, el cuerpu foi veláu nel tanatoriu de Los Arenales n'Uviéu. Ellí la familia va despidise d'él na más estricta intimidá. La investigación al cargu de la Policía Nacional sigue tomando declaraciones.

Según fontes cercanes a la víctima, nun refuguen que l'autor de l'agresión pudiera conocer a dalgún de los miembros del grupu que lu acompañaba. Nestos momentos espérense poles resultancies de l'autopsia p’afitar la causa exacta de la so muerte.