Condergáu a dos años y mediu de cárcel un hosteleru de la Fidma por abusu sexual y acosu a dos camareres, una d'elles menor d'edá

L'acusáu ye'l padre de la dueña de dellos locales d'hostelería na Feria

Condergáu a dos años y mediu de cárcel l'encargáu de dellos locales d'hostelería de la Feria de Muestres por abusu sexual y acosu a dos trabayadores, una d'elles menor d'edá.

Los fechos socedieron n'agostu de 2022. La sentencia considera probao que l'acusáu afalagó y tocó'l pechu d'una de les moces que trabayaba de camarera. A la otra, que tenía entós 16 años, faltóla en delles ocasiones. Llegó a dici-y que nun la ponía a sirvir cerveces porque nun tenía tetes.

Amás, foi condergáu por amenaciar de muerte a una de les víctimes y a tola so familia, si denunciaba. La sentencia nun ye firme. L'acusáu ye'l padre de la dueña de dellos locales d'hostelería na Feria.