Desactiváu'l Plan de Protección Civil al quedar controlada la quema de Silvota

El SEPA va caltener un operativu d'intervención nel incidente hasta que se dea por apagada la quema

El Plan Territorial del Principáu d'Asturies (Platerpa) que se punxo en marcha nel so nivel cero al mediudía d'ayeri al declarar una quema nuna nave del polígonu industrial de Silvota, en Llanera, quedó desactiváu minutos enantes de les 9:00 porque les llapaes quedaron controlaes ayeri y na nueche solo se llevó alantre tarea de refrixeración, revisión y desescombru.

Según informa'l Serviciu d'Emerxencies del Principáu (SEPA), tola nueche un retén de Bomberos d'Asturies formáu por 9 efectivos, dos autobombes, una d'elles nodriza y dos vehículos d'altor, tuvieron na zona faciendo xeres d'enfriamientu y desescombru.

Hasta que se dea por apagada la quema, el SEPA va caltener un operativu d'intervención nel incidente.