Ocho deteníos d'una rede que robaba a mayores col métodu del abrazu cariñosu

La rede tenía la so base en Madrid, pero operaba en distintos puntos del país, ente ellos Asturies

La Policía Nacional desarticuló una organización criminal itinerante que robaba xoyes n'España a persones d'edá avanzada col métodu del abrazu cariñosu y unviábales a Rumanía, nuna operación internacional na que fueron deteníes seis persones en Madrid y Bilbao y otres dos en Rumanía.

Los ocho arrestaos, de nacionalidá rumana, entraron en prisión provisional -seis n'España y dos en Rumanía- como presuntos responsables de los delitos de pertenencia a organización criminal, catorce delitos escontra'l patrimoniu, unu de blanquéu de capitales y otru de receptación, según informó esti domingu l'inspector xefe de la Policía Álvaro Álvarez.

Nel procesu tramitáronse delles órdenes europees d'investigación en Rumanía por parte del Xulgáu d'Instrucción númberu 3 de Xixón.