Deteníu un camareru pola so presunta implicación na muerte d'un vecín de Llangréu

El calabre del home presentaba signos de violencia y foi atopáu nun portal de Sama (Llangréu)

Un camareru de Llangréu de nacionalidá venezolana foi prindáu esti domingu arriendes de que fuera atopáu'l calabre d'un home que presentaba signos de violencia nun portal asitiáu nel númberu 8 de la cai Alfredo Pumarino, nel centru de Sama (Llangréu)

Axentes de la Policía Nacional movíos hasta'l llugar nel que foi atopáu de madrugada’l calabre fixéronse cargu de la investigación que llevó a esta detención, confirmaron fontes policiales.

Al paecer, el fináu, de 69 años, presentaba un fuerte golpe na cabeza y foi atopáu nel portal nel que, según la edición dixital de La Nueva España, tamién vive'l deteníu pola so presunta implicación nestos fechos.