Atopen con vida al montañeru perdíu en Picos d'Europa dende'l pasáu llunes

El montañeru foi alcontráu na zona del macizu oriental

L'operativu de busca alcontró con vida al mozu lleonés de 23 años que taba desapaecíu en Picos d'Europa dende'l pasáu llunes, informó a EFE'l Serviciu d'Emerxencies del Principáu d'Asturies (SEPA).

Fuentes del 112-Asturies y de la Guardia Civil afitaron que'l mozu foi atopáu na zona d’El H.ou de Boches, nel conceyu asturianu de Cabrales.

El mozu ta siendo treslladáu pol grupu de rescate del SEPA a bordu d'un helicópteru medicalizáu.

L'operativu de busca púnxose en marcha'l miércoles, 25 d'avientu, tres l'avisu dau pola familia al nun tener noticies del mozu dende'l llunes, cuando faía una ruta de monte entre Bejes (Cantabria) y Cuadonga (Asturies).