Muerre'l conductor d'un camión al volcar na autopista d'El Güerna

L'accidente caltién cortada una de les carriles en dirección Lleón

Un home de 38 años perdió la vida al sufrir un accidente y entornar el so camión cuando circulaba pela autopista d’El Güerna dientro del términu municipal de L.lena y mui cerca de la llende con Lleón, informa'l 112 Asturies y la Guardia Civil.

Por causes que se tán investigando, hacia les 10:55, cuando taba al altor del kilómetru 82 de l’AP-66, sen Xixón, el camión tráiler frigoríficu crució delles carriles, crució la mediana y acabó volcando nes carriles del sen contrariu.

Según los datos apurríos pol Serviciu d'Atención Médica Urxente (SAMU) l'equipu médicu de la UVI-móvil de Mieres, movíu al llugar, solo pudo confirmar el so fallecimientu.

Tres recibir la correspondiente autorización, el conductor foi escarceláu del interior de la cabina por efectivos de Bomberes del Serviciu d'Emerxencies del Principáu d'Asturies (SEPA) con base nos parques de Mieres y La Morgal, que dieron por rematada la so intervención a les 12:36.