Maten a tiros a un home de 43 años en Llugo (Llanera)

La Guardia Civil fíxose cargu de la investigación

Un home de 43 años morrió esta madrugada en Llugo (Llanera) al recibir dellos impactos de bala, informa la Guardia Civil, que se fixo cargu de la investigación pa tratar d'esclariar el socesu.

Los fechos tuvieron llugar hacia les 0:25 d'esta madrugada al altor del puntu kilométricu 2,9 de la carretera AS-374, dientro del términu municipal de Llugo (Llanera), conceyu asitiáu a unos diez kilómetros al norte d'Uviéu. Al llugar fueron delles patrulles de seguridá ciudadana de los puestos de Piedrasblancas y de Noreña.

Estes patrulles informen de la esistencia d'una persona muerta de 43 años d'edá, y nel llugar alcuéntrense dellos cartuchos correspondientes a munición d'una pistola.