Muerre'l menor que se tiró per una ventana en Grau

La Guardia Civil sigue cola investigación p'afitar si foi una cayida accidental o d'otra mena

Dempués de dos díes ingresáu na UCI pediátrica del HUCA, el menor de 13 años que, el pasáu xueves, cayó dende'l tercer pisu d'un bloque de viviendes del barriu de Los Niserinos, en Grau, nun pudo superar les feríes provocaes pola cayida y morrió esta mañana.

Dende'l Conceyu de Grau llamenten el fallecimientu y suspendieron toles actividaes municipales. Amás, va guardase un minutu de silenciu en toles competiciones deportives que se celebren nel conceyu.

Quieren llamar a la responsabilidá y la unidá vecinal frente a esta traxedia y condergaron los mensaxes racistes y d'odiu que se dieron desque se dio'l socesu.

Cuando'l menor cayó taba na casa familiar, acompañáu por otra menor que presentaba un golpe na cabeza y que yá foi dada d'alta.

La Guardia Civil, que yá tomó declaración a dellos familiares, sigue cola investigación p’aclariar si foi una cayida accidental o d'otra mena.