Aparatosu accidente en Celoriu con un coche engoláu nuna muria dempues de salir de la vía

El conductor dio positivu nel control d'alcoholemia

Aparatosu accidente de tráficu nel pueblu llaniscu de Celoriu. Esta madrugada, un coche acabó no alto d’una muria dempués de salir de la vía.

L’accidente foi na AS-379, ente Llanes y Ribeseya, onde’l Principáu ta construyendo tres rotondes d’accesu a Celoriu y a otros pueblos del conceyu. El vehículu acabó enriba la muria dempues de chocar escontra’l cairel.

Según dalgunos testigos, el conductor dio positivu nel control d’alcoholemia.