El Fapas alcuentra un osu muertu en Somiedu

Ye l'octavu de los exemplares de la especie atopaos ensin vida nos postreros cinco años nel Principáu

El Fondo para la Protección de los Animales Salvajes (Fapas) recuperó esti fin de selmana los restos d'un osu muertu en Somiedu, l'octavu de los exemplares de la especie atopaos ensin vida nos postreros cinco años nel Principáu.

Fuentes del colectivu conservacionista informaron a EFE esti domingu que los güesos del osu fueron alcontraos ayeri nes proximidaes de Pineda, dientro del espaciu del Parque Natural de Somiedu.

Na recoyida de los restos del animal tamién participaron miembros de la Patrulla Osu del Principáu y del Seprona de la Guardia Civil.